Masmur 123

Mripat kula nyawang marang Panjenengan

sing njagong ing swarga.

₂Ya kaya mripaté abdi lanang

anggèné nyawang marang tangané bendarané,

utawa kaya mripaté abdi wadon

anggèné nyawang marang tangané bendarané wadon,

ya mengkono mripat kita, anggèné pada nyawang marang GUSTI, Gusti Allah kita,

nganti olèh kawelasan.

₃Kita supaya pada Panjenengan welasi, duh GUSTI, supaya Panjenengan welasi,

awit wis warek enggèn kita pada disepèlèkké;

₄nyawa kita wis kliwat nganti warek

marang poyokané para wong sing rumangsa tentrem,

lan marang wong gemunggung anggèné pada ngrèmèhké.