Masmur 124

Yèn duduk GUSTI déwé sing mbélani kita,

- kaya mengkono tembungé Israèl, -

₂yèn duduk GUSTI déwé sing mbélani kita,

waktu wong pada ngadek nglawan kita,

₃kita mesti wis pada diuntal urip-uripan,

waktu wong kuwi mulat-mulat nesuné marang kita;

₄kita terus kéntér ing banyu,

kita wis pada kelep ing kali;

₅iliné banyu sing lubèr

sing molak-malik kuwi wis nutupi kita.

₆Pinujia GUSTI sing ora ngelungké kita

dadi pangané untuné wong-wong mau!

₇Nyawa kita pada bisa utyul kaya manuk,

sing utyul sangka jireté wong mikat,

rantas jireté,

kita terus utyul.

₈Pitulungan kita kuwi ing asmané GUSTI,

sing nggawé langit lan bumi.