Masmur 126

Ing waktuné GUSTI mulihké kahanané Sion,

kita kaya wong ngimpi.

₂Ing waktu kuwi tutuk kita pada kebak ngguyu,

lan ilat kita kebak surak-surak.

Ing waktu kuwi ing antarané para bangsa ana tembung:

“GUSTI wis nindakké perkara sing gedé marang para wong iki!”

₃GUSTI wis nindakké perkara sing gedé marang kita,

mulané kita pada bungah.

₄Duh GUSTI, Panjenengan supaya mulihké kahanané kita,

kaya pulihé kali asat ing negara Negeb!

₅Wong sing pada nyebar wiji karo mbrèbès mili,

bakal panèn karo surak-surak.

₆Wong sing mlaku maju karo nangis

nyambi nyebar wiji,

mulihé mesti karo surak-surak

karo ngusung panènané.