Masmur 128

Rahayu saben wong sing ngabekti marang GUSTI,

lan sing mlaku ing dalan sing diduduhké.

₂Yèn kowé mangan wohé kangèlané tanganmu,

rahayu kowé lan betyik kahananmu!

₃Bojomu wadon bakal dadi kaya wit anggur sing subur

ing njeruhné omahmu;

lan anak-anakmu kaya trubusané wit saitun

sing ngubengi méjamu.

₄Lah kaya mengkono enggoné bakal diberkahi

wong lanang sing ngabekti marang GUSTI.

₅GUSTI supaya mberkahi kowé sangka Sion,

lan kowé supaya menangi kabekjané Yérusalèm sakjekké uripmu,

₆lan supaya menangi buyut-buyutmu!

Tentrem rahayu anaa ing Israèl!