Masmur 29

Hé para sing manggon ing swarga,

ya mung GUSTI sing nduwé kamulyan lan kekuwatan!

₂Wènèhna marang GUSTI kaluhurané Asmané,

pada sujuta marang GUSTI karo patyakan kesutyian!

₃Swarané GUSTI ing sak nduwuré banyu,

Gusti Allah sing mulya gembluduk,

GUSTI ing sak nduwuré banyu gedé.

₄Swarané GUSTI kebak kekuwatan,

swarané GUSTI kebak kamulyan.

₅Swarané GUSTI nugelké wit tyemara,

malah wit tyemara ing Libanon pada dirubuhké karo GUSTI.

₆Panjenengané ndadèkké gunung Libanon mlumpat-mlumpat kaya pedèt,

lan gunung Siryon kaya pedèté sapi alasan.

₇Swarané GUSTI nyemburké geni mulat-mulat.

₈Swarané GUSTI nggorekké ara-ara samun,

GUSTI nggorekké ara-ara samun Kadès.

₉Swarané GUSTI njalari menjangan meteng pada manak,

malah njalari alas-alas pada gundul,

lan ing omahé pada mbengok: “Diluhurna!”

₁₀GUSTI njagong ing sak nduwuré banjir,

GUSTI dadi Ratu ing sak lawas-lawasé.

₁₁GUSTI supaya gelem ngekèki kekuwatan marang umaté,

GUSTI supaya gelem mberkahi umaté karo tentrem rahayu.