1Kanggo juru penyanyi. Ya kuwi swarané siter. Masmuré Daved.
2Duh Gusti Allah, supaya gelem ngrungokké sambat kula,
pandonga kula supaya dirungokké!
3Sangka pungkasané bumi kula nyebut asma Panjenengan,
awit ati kula lemes nglokro,
Panjenengan supaya gelem nuntun kula munggah ing gunung watu sing keduwuren kanggo kula.
4Panjenengan kuwi tenan dadi panggonan pengayoman kula,
menara sing kuwat ing ngarepé mungsuh.
5Kula supaya Panjenengan lilani manggon ing tarup Panjenengan sak lawas-lawasé,
lan ndelik ing ngisoré swiwi Panjenengan! Sela
6Duh Gusti Allah, Panjenengan tenan wis ngrungokké janji kula,
wis nuruti penjaluké para wong sing ngabekti marang Panjenengan.
7Panjenengan supaya gelem nambahi umuré ratu,
taun-taun uripé bisaa nganti turun-temurun.
8Supaya anggèné dadi ratu ing ngarepé Gusti Allah bisa lestari ing sak lawas-lawasé,
kawelasan lan kasetian Panjenengan dipréntahké njaga piyambaké.
9Kula bakal ngidungké asma Panjenengan karo masmur ing sak lawasé,
lan ngluwari janji kula ing saben dinané.
Uw browser ondersteunt geen HTML5 audio.