1Kanggo pemimpiné penyanyi. Miturut nyanyian: Gitit. Masmuré Daved.
2Duh GUSTI, Gusti kula,
tenan kamulyané asma-Mu ing sak lumahé bumi,
kamulyan-Mu sing ngungkuli langit dikidungké.
3Karo tutuké bayi-bayi lan manungsa.
Panjenengan wis ndasari kekuwatan awit sangka mungsuh Panjenengan,
supaya mbungkem mungsuh lan wong sing watekké seneng mbales ala.
4Yèn kula weruh langit penggawéané tangan Panjenengan,
apa déné mbulan lan lintang-lintang sing wis Panjenengan tata,
5manungsa kuwi apa ta, nanging Panjenengan élingi?
Apa ta anak-anaké manungsa kuwi, nanging Panjenengan pikir?
6Nanging Panjenengan ndadèkké mèh waé kaya Gusti,
lan Panjenengan makutani karo kaluhuran lan kamulyan.
7Panjenengan tetepké ngwasani sing digawé tangan Panjenengan,
samubarang kabèh Panjenengan kèkké ing ngisoré tlapakané:
8kabèh wedus lan sapi,
uga kéwan-kéwan ing ara-ara,
9manuk ing awang-awang lan iwak ing segara,
lan samubarang sing liwat ing dalané segara.
10Duh GUSTI, Gusti kula,
tenan kamulyané asma Panjenengan ing sak lumahé bumi.
Uw browser ondersteunt geen HTML5 audio.