Masmur 82

Gusti Allah ngadek ing rembukané para gusti allahé swarga,

ing sak tengahé para allah Panjenengané nindakké pengadilan:

₂“Nganti sak pira suwéné enggonmu pada ngadili karo sing ala,

lan ngréwangi wong duraka? Sela

₃Wong sing mlarat lan botyah lola pada wènèhana adil,

wong kasangsaran lan kekurangan pada bélanana wewenangé.

₄Wong sing sangsara lan sing mlarat pada pitulungana,

slametna sangka tangané wong duraka.”

₅Kuwi wong sing pada ora weruh lan ora ngerti apa-apa,

pada mlaku ing pepeteng;

kabèh dasaré bumi pada gonjang-ganjing.

₆Aku wis ngomong mengkéné: “Kowé kabèh kuwi allah,

lan pada dadi anaké sing Mahaluhur.

₇Nanging kowé bakal pada mati kaya manungsa,

lan bakal mati kaya salah sakwijiné penggedéné.”

₈“Duh Gusti Allah, Panjenengan supaya gelem ngadek ngadili bumi,

awit kabèh bangsa kuwi duwèké Panjenengan.”