Masmur 88

₂Duh GUSTI, Gusti Allah sing ngluwari kula

ing wantyi awan kula sambat,

ing wantyi wengi kula teka ing ngarepé Panjenengan.

₃Pandonga kula supaya tekan ing ngarepé Panjenengan,

Panjenengan supaya gelem ngrungokké sambat kula.

₄Awit nyawa kula warek karo kasusahan,

lan urip kula wis tyedak karo ndonyané wong mati.

₅Kula wis dianggep para wong sing medun ing kubur,

lan kaya wong sing tanpa kekuwatan.

₆Kula kudu tyampur karo para wong mati,

kaya wong sing pada mati awit dipatèni,

gemlétak ing kubur,

sing ora Panjenengan élingi menèh,

awit wis pada pedot sangka pangwasané Panjenengan.

₇Kula wis Panjenengan sèlèhké ing juglangan

kuburan sing ngisor déwé

ing njeruhné pepeteng, ing panggonan sing jeru.

₈Kula dipenet karo panasé bebendu Panjenengan,

wis dibyuki karo ombak Panjenengan kabèh. Sela

₉Kantyaku kabèh wis pada Panjenengan adohaké sangka kula,

kula wis Panjenengan gawé reget kanggo wong-wong iki,

kula dikurung ora bisa metu.

₁₀Mripat kula nggerong awit ngalami kasangsaran.

Duh GUSTI, kula wis sambat marang Panjenengan sedina muput

lan wis ngatungké tangan kula marang Panjenengan.

₁₁Panjenengan apa bakal nindakké mujijat kanggo wong sing pada mati,

rohé apa bakal tangi lan ngidungké maturkesuwun marang Panjenengan? Sela

₁₂Kawelasan Panjenengan apa bisa dityeritakké ing kubur,

lan kasetian Panjenengan ing pangrusakan?

₁₃Mujijat-mujijat Panjenengan apa bisa diduduhké ing panggonané wong mati,

lan keadilan Panjenengan ing negarané kabèh pada lali?

₁₄Nanging, duh GUSTI, kula kuwi sambat marang Panjenengan,

ing wantyi ésuk Panjenengan kula papak karo pandonga kula.

₁₅Duh GUSTI, kenèng apa nanging kula Panjenengan buwang,

lan praupan Panjenengan, Panjenengan éngokké sangka kula?

₁₆Wiwit tyilik mila kula ditindes lan diantyam karo pati,

kula wis nyangga sing medèni sangka Panjenengan,

kula rumangsa tanpa pengarep-arep.

₁₇Kula katekan karo panasé bebendu Panjenengan,

lan kebungkem karo sing medèni sangka Panjenengan.

₁₈Kuwi ing sedina muput nutupi kula kaya banyu,

nganti kemput enggèn kula dikepung.

₁₉Sedulur lan kantya Panjenengan adohké sangka kula,

mung pepeteng sing dadi kantya kula.