Psalm 125

Den sma di e fertrow tapu MASRA

de leki Sionbergi,

di no e seki èn di tnapu drape fu têgo.

₂Leki fa bergi de lontu Yerusalem,

na so MASRA de lontu a pipel fu En,

now èn fu têgo.

₃Ogri-ati tiriman no sa tiri a kondre fu têgo,

fu den sma di bun ini Gado ai.

Dan so den sma di bun ini Gado ai

no sa du den srefi ogri fu den.

₄MASRA, du bun gi den bun sma,

nanga gi den sma di e du Yu wani.

₅Ma MASRA sa meki den sma di libi a bun pasi

fu go waka den eigi kruktu pasi,

dede makandra nanga den sma di e du kruktudu.

Meki freide de ini Israel!