1Wan singi di den sma e singi te den e go na Yerusalem.
Di MASRA ben tyari wan kenki kon gi Sion,
a gersi leki na dren wi ben dren.
2Den mofo fu wi ben furu nanga lafu,
nanga babari fu prisiri.
Dan den sma fu den tra folku taigi makandra taki:
“MASRA du bigi sani gi den.”
3MASRA du bigi sani gi wi,
èn wi prisiri sote.
4MASRA, tyari wan kenki kon gi wi,
leki fa Yu e meki watra lon wantronso ini a dreisabana.
5Den sma di e sai nanga watra-ai,
sa bari lafu te den o mai.
6Den sma di e syow den saka nanga siri now nanga watra-ai,
sa bari lafu te den e tyari a nyanyan koti kon inisei.
Uw browser ondersteunt geen HTML5 audio.
