7 december - Psalm 126

Di MASRA ben tyari wan kenki kon gi Sion,

a gersi leki na dren wi ben dren.

₂Den mofo fu wi ben furu nanga lafu,

nanga babari fu prisiri.

Dan den sma fu den tra folku taigi makandra taki:

“MASRA du bigi sani gi den.”

₃MASRA du bigi sani gi wi,

èn wi prisiri sote.

₄MASRA, tyari wan kenki kon gi wi,

leki fa Yu e meki watra lon wantronso ini a dreisabana.

₅Den sma di e sai nanga watra-ai,

sa bari lafu te den o mai.

₆Den sma di e syow den saka nanga siri now nanga watra-ai,

sa bari lafu te den e tyari a nyanyan koti kon inisei.