Yésaya 4

₁Ing waktu kuwi ana wong wadon pitu sing pada nggondèli wong lanang siji, lan ngomong: “Kita pada bakal mangan pangan lan nganggo sandangan kita déwé; nanging kita mung nganggokké jeneng sampéyan; supaya sampéyan gelem ngilangi kewirangan kita!”

₂Ing waktu kuwi trubusan sing ditukulké karo GUSTI bakal dadi apik lan kamulyan, lan pametuné bumi dadi kahurmatan lan kamulyan kanggo para wong Israèl sing pada bisa utyul. ₃Wong turahé ing Sion lan sing ijik ing Yérusalèm bakal disebut sutyi ya kuwi saben wong Yérusalèm sing ketulis bakal olèh urip, ₄yèn Gusti Allah wis ngresiki regetané para putri Sion lan ngilangi blentong-blentongé Yérusalèm sangka sak tengahé karo rohé sing ngadili lan sing ngobong. ₅Ing kono GUSTI terus bakal nganakké mendung ing wayah awan lan mendung karo semloroté geni sing murup mulat-mulat ing wayah mbengi ing sak nduwuré panggonané gunung Sion kabèh lan ing sak nduwuré saben kumpulan sing dianakké ing kono, awit ing sak nduwuré kuwi kabèh bakal ana kamulyané Gusti dadi payung. ₆Kanggo tarupé panggoné pangungsèn ing wayah awan supaya ora kena slomoté panas lan dadi panggonan pangungsèn lan kanggo ndelik ing waktu lésus lan udan.