1Kanggo juru penyanyi. Masmuré Daved.
2Duh GUSTI, nganti pira suwéné menèh enggèn Panjenengan ora éling kula?
Nganti pira suwéné menèh enggèn Panjenengan nutupi praupan Panjenengan marang kula?
3Nganti mbésuk kapan enggèn kula kudu ngrasaké kuwatér,
lan anggèné ati kula sedih ing saben dina?
Nganti mbésuk kapan satru kula anggèné ngungkuli kula?
4Duh GUSTI, Gusti Allah kula, Panjenengan supaya gelem weruh,
gelem nyauri kula;
mripat kula dipadangi supaya kula aja nganti turu terus mati;
5lan supaya satru kula aja nganti omongan mengkéné:
“Wis tak asoraké,”
apa menèh mungsuh kula aja nganti surak-surak, yèn kula gloyoran.
6Nanging kula pertyaya marang kawelasan Panjenengan,
ati kula bungah-bungah awit sangka pitulungan Panjenengan.
Aku arep ngidung kanggo GUSTI, awit wis ngekèki sing apik marang aku.
Uw browser ondersteunt geen HTML5 audio.