Masmur 93

₁GUSTI kuwi dadi Ratu, klambiné kamulyan,

GUSTI klambènan lan sabukan kekuwatan.

Tenan bumi wis jejek ora gonjang-ganjing.

₂Dampar Panjenengan jejek wiwit waktu mbiyèn,

wiwit ing kelanggengan Panjenengan wis ana.

₃Duh GUSTI, kali-kali pada kemrasak,

lan pada ngumbulké swarané,

lan pada ngumbulké jembleguré.

₄GUSTI ngidap-idapi banget ing nduwur,

ngungkuli swarané banyu gedé,

ngungkuli jembleguré ombak ing segara.

₅Pernatan Panjenengan banget kentyengé,

griya Panjenengan wis sak pantesé yèn sutyi,

duh GUSTI, kanggo sak lawasé.