Masmur 98
Waktuné keslametan wis tyedak
1Masmur.
GUSTI nyanyèkké kidung anyar,
awit Panjenengané wis nindakké mujijat;
kamenangan wis ditindakké karo Panjenengané karo tangan-Né sing tengen
lan lengen-Né sing sutyi.
2GUSTI wis nawaké keslametan sangka Panjenengané,
lan wis nglairké keadilané ing ngarepé mripaté para bangsa.
3Gusti wis éling karo katrésnané lan kasetiané marang brayaté Israèl,
kabèh pojokané bumi wis pada weruh keslametan sangka Gusti Allah kita.
4Hé bumi kabèh, pada surak-suraka ing ngarepé GUSTI,
pada bungah-bungaha, surak-suraka lan ngidunga masmur!
5Pada ngidunga masmur kanggo GUSTI karo siter,
karo siter lan nyanyian karo swara banter,
6karo swarané nafiri lan trompèt sing banter,
pada surak-suraka ing ngarepé Ratu, ya kuwi GUSTI!
7Segara sak isiné bèn pada gemrubuk,
mengkono uga, ndonya uga sing pada ngenggoni.
8Kali-kali bèn pada keplok-keplok,
lan gunung-gunung bèn pada surak-surak bebarengan
9ing ngarepé GUSTI,
awit Panjenengané teka ngadili bumi,
ndonya bakal diadili karo sak beneré,
lan para bangsa karo kabeneran.
