9A pisten dati Mi sa kiri ala folku puru na pasi di wan hari kon feti nanga Yerusalem. 10Mi sa meki a Yeye fu sari-ati nanga a Yeye fu begi kon tapu a famiri fu David, nanga den sma fu Yerusalem. Den sa si a wan di den ben dyuku, dan den sa krei leki fa sma e krei te den lasi den wan enkri pikin. Den sa bari leki fa sma e bari di lasi den fosi pikin. 11A pisten dati den sma fu Yerusalem sa bari krei, leki fa den e bari krei gi Hadadrimon na ini a Megidodal. 12A heri kondre sa bari krei. Ibri lo na en eigi presi. A lo fu David na en eigi presi nanga den uma fu den na den eigi presi. A lo fu Natan na en eigi presi nanga den uma fu den na den eigi presi. 13A lo fu Lefi na en eigi presi nanga den uma fu den na den eigi presi. A lo fu Simi na en eigi presi nanga den uma fu den na den eigi presi. 14Ala den tra lo, ala den lo na den eigi presi nanga den uma fu den na den eigi presi.
Sakaria 13
1A pisten dati wan watrabron o de pe a famiri fu David nanga den sma fu Yerusalem o man go fu wasi den sondu gwe èn fu den kon krin baka ini Gado ai.
